Gure bezeroaren beharrizanak eta planteatzen digun egoera hartzen ditugu aintzat, gehien komeni zaion kontratu mota erabakitzeko.

Ildo beretik, parametro guztiak (ordainsaria, gizarte segurantzaren kostua…) bilduko ditugu kontratuan, ondorioz, nominetan eta Gizarte Segurantzaren orrietan zer zenbateko agertu behar den zehazteko.

Enpresako lan-mundua etengabe aldatzen da eta gure bezeroak lasai egon behar du, jakinik mugimendu etengabe horri egokituko zaiola enpresa.

Gure bezeroak aldian-aldian ematen dizkigun datuetan oinarrituko gara nominak eta Gizarte Segurantzaren paperak prestatzeko.

Atal horietan sartzen dira kontratu-likidazioak eta -desegiteak, bezeroak eskatzen digunean horrelakoak ere egingo baititugu.

Era berean, gure bezeroen jardueraren ondorioz sortuko diren zerga eta atxikipenak legezko maiztasunez likidatuko ditugu.

Gure bezeroaren inguruabarrak nominetan eta gizarte segurantzetan islatzen dira, baina horretaz gain organismo ofizialei eta mutuei ere jakinarazi behar zaizkie (DELTA sistema eta creta, SILTRA programaren bidez).

Alderdi horiei ere egingo diegu arreta, bezeroak edozein gertaeraren berri ematen digunean, berehala jakinaraziko baitiegu erakunde horiei guztiei, eskura ditugun baliabide teknikoak erabiliz.

Ildo beretik, negozioaren gorabehera guztietan mutuekin harreman etengabea izango du bezeroak, gure aholkularitzaren baliabide teknikoak erabiliz. Adibidez, lan-istripuren bat gertatzen denean, laneko gaixotasuna gertatu eta horren jarraipena egiteko, haurdunaldiko arriskuen kasuan, bai eta enpresako lan-taldearen egoera alda dezaketen gainerako kontingentzietan ere.